Þér er boðið á opnunarhátíð Alþjóðlegrar Barnakvikmyndahátíðar í Reykjavík sem haldin verður í Bíó Paradís laugardaginn 29. október kl 14:00.
FRÍTT INN OG ALLIR VELKOMNIR!
Nauðsynlegt verður að skrá sig fyrir boðsmiðum í gegnum hlekkinn HÉR!
Við hvetjum börn á öllum aldri til þess að mæta í búningum og við minnum á að þema hátíðarinnar í ár er HREKKJAVAKA!
Léttar veitingar verða í boði.
DAGSKRÁ OPNUNARHÁTÍÐAR:
14:00 Trúðslæti með Bryn Bryn og Silly Suzy the Clown! Hrekkjavökustemmning ræður ríkjum og búningakeppni!
14:20 Hrönn Sveinsdóttir, framkvæmdastjóri hátíðarinnar setur hátíðina formlega.
14:30 Opnunarmynd hátíðarinnar sýnd, Horfin á Hrekkjavöku – hentar börnum sex ára og eldri, í lifandi talsetningu.
Um er að ræða fyrstu sýningu þar sem lifandi leiklestur er fluttur yfir kvikmynd í Bíó Paradís.
Hátíðin er haldin í níunda sinn, en hátíðin er sú fyrsta og eina sinnar tegundar.
