Heimildarmynd eftir Magnús Orra Arnarsson sem fylgir íslenskum keppendum á Heimsleika Special Olympics á Ítalíu 2025.

Myndin veitir innsýn inn í undirbúning, keppnina sjálfa og þá mannúð og virðingu sem einkennir starf Special Olympics samtakanna.

Þetta er fyrsta heimildarmynd Magnúsar Orra sem sjálfur keppti á leikunum í Abu Dhabi árið 2019 og hefur síðan helgað sig kvikmyndagerð.

Bíó Paradís í samstarfi Tourette samtökin kynna sérstaka skynsegin sýningu á SIGUR FYRIR SJÁLFSMYNDINA laugardaginn 11. október kl 15:00. Leikstjóri myndarinnar Magnús Orri verður viðstaddur og mun sitja fyrir svörum eftir sýninguna.

Á skynsegin sýningu er tekið sérstakt tillit til einstaklinga sem glíma við einhvers konar áreitisraskanir eða öðruvísi áreitisþol, þar sem öll umgjörð er aðlöguð að síku fólki sem kann að meta minna áreiti en bíósýningar bjóða vanalega uppá. 

Skynsegin sýning þýðir að: 

- Öllu áreiti í húsinu, tónlist, umgangi og öðru er stillt í hóf

- Það má ganga um og hreyfa sig á meðan sýningu stendur

- Það eru engar auglýsingar né sýnishorn á undan myndinni

- Ljósin eru hálfkveikt allan tímann

- Hljóðið er lægra en venjulega

- Það er ekkert hlé

- Sýningin er í stórum sal svo það ætti að vera nóg pláss milli fólks

- Opið er fram og það má fara fram og hvíla sig á myndinni

Sýningin er hluti af KÓSY KINO verkefninu í samstarfi við Kino Usmev, sem snýst um að gera Bíó Paradís aðgengilegra fólki sem færi annars ekki í bíó og er styrkt af EES sjóði Noregs, Íslands og Lichtenstein og ríkissjóði Slóvakíu.