Kvikmyndafræðsla í Bíó Paradís

KVIKMYNDAFRÆÐSLA FYRIR BÖRN OG UNGLINGA

grand-budapest-hotel-tony-revolori-saoirse-ronanBíó Paradís stendur fyrir kvikmyndafræðslu fyrir börn og unglinga sex vikur í senn á hvorri önn skólaársins. Sýningar fyrir grunnskóla eru á þriðjudögum og fimmtudögum kl. 10:00 og 13:00 (fyrir börn 1. – 10. bekk). Sýningar fyrir framhaldsskóla eru á mánudögum kl 14:15.

Verkefnisstjóri er Oddný Sen, kvikmyndafræðingur, oddnysen@gmail.com.

Hér er hægt að kynna sér grunnskólasýningar vorönn 2017

Hér er hægt að kynna sér dagskrá ætlaða framhaldsskólum í Bíó Paradís vorið 2017

Hér er facebooksíða framhaldsskólasýninganna.

timbuktuTilgangurinn með sýningunum er að veita börnum og unglingum möguleika á að kynnast kvikmyndum sem hafa alþjóðlega gæðastimpla, eru ýmist klassískar perlum frá öllum skeiðum kvikmyndasögunnar og eru lykilkvikmyndir sem hafa skapað sér sess innan kvikmyndasögunnar. Þannig verða sýndar myndir frá Bandaríkjunum, Evrópu, Norðurlöndum, Austurlöndum, Íslandi og öllum heimsins hornum. Á undan hverri sýningu er haldinn fyrirlestur til að auðvelda áhorfendum að greina kvikmyndina ásamt hugmyndum að ritgerðum og umsögnum barnanna um kvikmyndirnar. Leitast verður við að skoða margvísleg temu eins og unglingsárin, tengsl nútíma kvikmynda við kvikmyndasöguna, úrvinnslu tilfinninga, félagsleg tengsl, samfélagsleg tengsl, einelti, listsköpun, sjónarhorn og uppsetningu svo fátt eitt sé nefnt.

Þessar skólasýningar hófust veturinn 2011-2012 í samvinnu við fræðsluyfirvöld og skóla. Þær eru í gangi í september – desember og janúar – apríl ár hvert.

219784_1723581656679_1452506587_31409460_5903443_oOddný Sen – kvikmyndafræðingur hefur víðtæka reynslu af kvikmyndafræðslu. Oddný er með BA í bókmenntafræði frá Háskóla Íslands, BA, MA og fyrri hluti PHD frá Parísarháskóla. Hún hefur unnið við kvikmyndir, dagskrárgerð, kvikmyndafræðslu, kennslu á háskóla- og framhaldsskólastigi, þróun kennsluefnis og uppsetningu menningarviðburða. Hér er hægt að lesa viðtal við Oddnýju Sen í Fréttablaðinu haustið 2013 þar sem hún ræðir kvikmyndafræðslu í Bíó Paradís.

 

Fréttir

Afkomendum þýskra kvenna boðið á frumsýningu Á NÝJUM STAÐ

Pólskir kvikmyndadagar 2017

Moonlight og Toni Erdmann – á VODdið um páskana!