Sálfræðilegt drama undir sterkum áhrifum evrópskra „arthouse“-mynda og bresku nýbylgjunnar. Myndin blandar raunsæi sveitalífsins við tilraunakenndan og táknrænan frásagnarhátt, þar sem andrúmsloft og tilfinningar skipta ekki síður máli en söguþráðurinn sjálfur.

Í þessari áhrifamiklu kvikmynd eftir Tony Richardson túlkar Jeanne Moreau dularfulla kennslukonu sem felur grimman hugarheim á bak við fágaða ásýnd. Myndin var sýnd í Cannes við vægast sagt misjafnar viðtökur en hefur með tímanum öðlast költ-sess meðal kvikmyndaáhugamanna.

Mademoiselle er sérkennilegt meistaraverk um bælda löngun, eyðileggjandi ástríður og síðast en ekki síst ægivald fordóma.

Sýnd í Bíótekinu sunnudaginn 28. september kl 17:00

English

A sexually repressed school teacher releases her pent up passions in a series of shocking crimes.