Fréttir

FRUMSÝNING OG PALLBORÐSUMRÆÐUR Á VERÐLAUNAMYNDINNI “DEMAIN” /„Á MORGUN”

02/06/2016

Bíó Paradís kynnir Íslandsfrumsýningu á heimildamyndinni “Demain” / “Á morgun” á þriðjudaginn 7. júní kl 20:00 í Bíó Paradís. Þessi “feel-good” heimildamynd um umhverfismál hefur slegið í gegn víða um heim og meðal umfjöllunarefnis er lýðræði á Íslandi. Að lokinni sýningu verða pallborðsumræður og á meðal þátttakenda verða Guðni Jóhannesson, orkumálastjóri, Ragna Bendikta Garðarsdóttir, lektor í sálfræði, og Áslaug Guðrúnardóttir, höfundur bókarinnar Minimalískur lífsstíll. Léttar veitingar í boði franska sendiráðsins.

Myndin verður síðan sýnd tvívegis til viðbótar í Bíó Paradís, þann 11. og 12. júní klukkan 18:00.

Hvernig væri ef einhver tæki sig nú til og sýndi okkur allt það sem verið væri að gera heiminum til gagns í stað þess að klifa á heimsósóma á borð við fátækt, hungur, ofneyslu og ójöfnuð?

Þetta er hugmyndin að baki frönsku verðlaunamyndinni Demain, sem sýnd verður þriðjudaginn 7. júní og fylgja umræður á eftir. Myndin er sýnd í tilefni af Alþjóða umhverfisdeginum 5. júní í samvinnu Sameinuðu þjóðanna, franska sendiráðsins á Íslandi, Félags Sameinuðu þjóðanna og Bíó Paradís með stuðningi utanríkisráðuneytisins.

„Á morgun”  hefur slegið í gegn víða um heim. Meira en ein milljón manns hefur séð myndina og 150 þúsund manns fylgjast með Facebooksíðu hennar.  Leikstjórarnir Melanie Laurent og Cyril Dion fengu  César, frönsku kvikmyndaverðlaunin fyrir bestu heimildarmyndina á dögunum.

Þótt ótrúlegt megi virðast hefur þeim tekist að gera bráðskemmtilega mynd um helstu vandamál heims, enda er einblínt á lausnir, fremur en að mála skrattann á vegginn.
Segja má að sú leið sé farin í myndinni að í stað þess að tíunda hversu ómöguleg staða heimsmála og tala um „hvað við getum gert”, er sýnt „það sem vel er gert.”Farið er um allan heim í leit að dæmum um það sem vel er gert og þar á meðal komið við á Íslandi.
„Það er kominn tími til að við hættum að bíða eftir þvið að leiðtogar komi með lausnirnar færandi hendi,” segir leikstjórinn Cyril Dion.

„Ef eitthvað á að breytast verður fólkið sjálft að fylkja liði og skapa þrýsting á kjörna fulltrúa og við þurfum líka nýja fulltrúa sem þoka hugmyndum morgundagsins fram á við.”
Fram kemur í máli margra að vandamál heimsins séu svo stór og svo mörg að fólk verði brjálað af því að brjóta heilann um þau og fyllist vanmáttarkennd. Af þessum sökum sé líklegra til árangurs að hluta vandamálin niður og leita að staðbundnum lausnum á hverju fyrir sig.

Facebooksíða fyrir sýningarnar https://www.facebook.com/events/590349277799337/

Miðasala fyrir sýningarnar á laugadag og sunnudag https://www.tix.is/is/buyingflow/tickets/2938/

Skoða fleiri fréttir

Fréttir

VOD mynd vikunnar: 20.000 Days on Earth

VOD mynd vikunnar: The Broken Circle Breakdown

Moonlight, Toni Erdmann og Paterson fara í almennar sýningar 6. mars