FRÉTTATILKYNNING: Alþjóðlega Kvikmyndahátíðin í Haugasund, þriðjudaginn 21. ágúst 2018
Á Alþjóðlegu kvikmyndahátíðinni í Haugasundi var tilkynnt hvaða fimm kvikmyndir frá Norðurlöndunum fimm (Danmörk, Finnland, Ísland, Noregur og Svíþjóð) hljóta tilnefningu til Kvikmyndaverðlauna Norðurlandaráðs 2018 – mjög eftirsótt verðlaun sem nú verða veitt í 15. skiptið.
Kvikmyndirnar fimm sem tilnefndar eru til Kvikmyndaverðlauna Norðurlandaráðs 2018 eru:
Ísland: Kona fer í stríð (enskur titill: Woman at War) í leikstjórn Benedikts Erlingssonar (leikstjórn / handrit), Ólafur Egill Egilsson (handrit). Framleiðendur: Marianne Slot, Carine Leblanc og Benedikt Erlingsson.
Danmörk: Vetrarbræður (á frummáli: Vinterbrødre / enskur titill: Winter Brothers) í leikstjórn Hlyns Pálmasonar (leikstjórn / handrit). Framleiðendur: Julie Waltersdorph Hansen, Per Damgaard Hansen og Anton Máni Svansson.
Finnland: Góðhjartaði drápsmaðurinn (á frummáli: Armomurhaaja / enskur titill: Euthanizer) í leikstjórn Teemu Nikki (leikstjórn / handrit). Framleiðendur: Jani Pösö og Teemu Nikki.
Noregur: Thelma í leikstjórn Joachim Trier (leikstjórn / handrit), Eskil Vogt (handrit). Framleiðandi: Thomas Robsahm.
Svíþjóð: Korparna (enskur titill: Ravens) í leikstjórn Jens Assur (leikstjórn / handrit). Framleiðendur: Jan Marnell, Tom Persson og Jens Assur.
HIN TILNEFNDU Í HAUGASUNDI: JENS ASSUR – THOMAS ROBSAHM – BENEDIKT ERLINGSSON – MARIANNE SLOT – ÓLAFUR EGILSSON – TEEMU NIKKI – JANI PÖSÖ – JULIE WALTERSDORPH HANSEN – PER DAMGAARD HANSEN / LJÓSMYND: JAN KÅRE NESS/ DNF
Vinningshafinn verður tilkynntur við hátíðlega athöfn þriðjudaginn 30. október 2018 í tengslum við þing Norðurlandaráðs í Osló, Noregi.
Um Kvikmyndaverðlaun Norðurlandaráðs 2018:
Markmið verðlauna Norðurlandaráðs, ein eftirsóttustu verðlaunin á Norðurlöndunum, er að auka áhuga á norrænu menningarsamfélagi og samstarfi um umhverfismál, svo og að veita verkefnum sem skarað hafa fram úr á sviði lista eða umhverfismála athygli. Kvikmyndaverðlaunin verða veitt mynd í fullri lengd sem framleidd er á Norðurlöndunum og gerð til sýningar í kvikmyndahúsum, ásamt því að hafa mikið listrænt gildi og eiga rætur í norrænni menningu að verulegu leyti, og skara fram úr hvað varðar listrænan frumleika og samtvinna og efla hina margvíslegu þætti formsins svo úr verði sannfærandi og heilsteypt verk. Verðlaunaféð nemur 350 þúsund dönskum krónum og skiptist jafnt milli handritshöfundar, leikstjóra og framleiðanda. Það undirstrikar að kvikmyndagerð sem listgrein er fyrst og fremst afurð náins samspils þessara þriggja þátta.
Sigurvegari Kvikmyndaverðlaunanna síðasta ár var finnska myndin Little Wing í leikstjórn Selma Vilhunen. Verðlaunin eru þó ekki alls ókunnug Íslendingum, en tvívegis hafa hin eftirsóttu verðlaun hlotnast íslenskum kvikmyndum, Fúsi í leikstjórn Dags Kára (2015), Hross í Oss í leikstjórn Benedikts Erlingssonar (2014). Að þessu sinni á Benedikt Erlingsson því aftur kost á að hampa titlinum, en er þó í samkeppni við leikstjórannn Joachim Trier sem vann verðlaunin fyrir Louder Than Bombs (2016). Þar fyrir utan keppir íslenski leikstjórinn Hlynur Pálmason í fyrsta skiptið um verðlaunin eftirsóttu, en þessir vel þekktu þrímenningar hafa allir frumsýnt nýju myndirnar sínar á nokkrum af þeim allra mikilvægustu alþjóðlegu kvikmyndahátíðum heimsins í 2017 og 2018.
Fyrir nánari upplýsingar um Kvikmyndaverðlaun Norðurlandaráðs, þar á meðal fyrri vinningshafa: ÝTIÐ HÉRNA
Fyrir nánari upplýsingar um Norrænu ráðherranefndina og verðlaun Norðurlandaráðs: ÝTIÐ HÉRNA
Hlekkur á facebook síðu Kvikmyndaverðlaunanna: ÝTIÐ HÉRNA
Skoða fleiri fréttir
