Believe

Sýningatímar

Engar sýningar

  • Tegund: Barnamynd
  • Leikstjóri: David Scheinmann
  • Ár: 2013
  • Lengd: 94
  • Land: Bretland
  • Aðalhlutverk: Natascha Mcelhone, Brian Cox, Anne Reid, Philip Jackson og Toby Stephens

Bíó Paradís hefur ávallt verið stolt af framlagi sínu til barnamenningar þegar kemur að kvikmyndum. Nú sýnum við hina frábæru ensku fjölskyldumynd, Fótboltadraumar (e. Believe – a theatre of dreams).

Myndinni var tekið vel á Alþjóðlegu Barnakvikmyndahátíðinni okkar í Bíó Paradís sem lauk fyrr á árinu. Um er að ræða skemmtilega og vel gerða mynd um dreng í Manchester árið 1984 sem á sér þann draum að keppa á stórmóti í fótbolta. Hjálpin berst úr óvæntri átt þegar Manchester United þjálfarinn Matt Busby tekur að sér að aðstoða liðið við að komast alla leið. En eins og sannir knattspyrnuáhugamenn vita, þá þjálfaði hann Busby Boys liðið sem lenti í flugslysi í Munchen árið 1958 með þeim afleiðingum að flestir leikmennirnir létust. Matt lifði hins vegar af. Í myndinni er þessum sönnu atburðum tvinnað inn í skálduðu atburðina og söguna af drengnum unga og draumum hans.

Myndin var tilnefnd til áhorfendaverðlauna Alþjóðlegrar barnakvikmyndahátíðar í Reykjavík 2014. Fótboltadraumar var einnig valin besta barnamyndin á Kvikmyndahátíðinni í Zurich 2013 og tilnefnd sem besta barnamyndin á kvikmyndahátíðinni í Tallinn 2013. Myndin er með íslenskum texta. Börn sem eru orðin sjö og eldri eru líklegri til þess að njóta myndarinnar en þau yngri.

Fréttir

120 Beats Per Minute er VOD mynd vikunnar!

Rússneskir kvikmyndadagar 2017 / Russian Film Days 2017

THE SQUARE – með enskum texta helgina 15. – 17. september!