Hver veit hvort ókunnugt fólk segir satt og rétt frá högum sínum og fortíð? Þegar tveir brotnir einstaklingar fara að spila hvort með annað er uppgjör óumflýanlegt.

Gunnar hefur einangrað sig á bóndabæ sínum frá því að kona hans og ungur sonur fórust í hræðilegu slysi fyrir ári síðan. Mágkona hans mætir óboðin og skammar Gunnar fyrir að hafa ekki mætt í minningarathöfn um mæðginin og afhendir honum bréf frá konu hans heitinni þar sem ýjað er að því að dauði mæðginanna hafi ekki endilega verið slys. Gunnar ákveður að heiðra minningu konu sinnar og sonar með því að ganga heimanað frá sér og á slysstað. 

Ewa er ung pólsk kona sem er ekki öll þar sem hún er séð og er komin til Íslands til að fara í fóstureyðingu, gegn vilja föðursins. Þegar hún fréttir að hann sé mættur til Reykjavíkur til að stöðva hana, flýr hún Reykjavík. 

Örlögin leiða þau Gunnar og Ewu saman. 

English

A year after loosing his family in an accident, Gunnar decides to honor their memory by walking to the place they died. On his way he meets Ewa, a young, Polish woman running away from her past.