Solaris er eitt af lykilverkum Andrei Tarkovsky og telst meðal dýpstu og áhrifamestu sci-fi-mynda kvikmyndasögunnar.

Myndin byggir lauslega á samnefndri skáldsögu Stanisławs Lems, en Tarkovskí umbreytir efniviðnum í heimspekilega íhugun um minni, sekt, ást og takmörk mannlegrar þekkingar. Sagan gerist á geimstöð á braut um plánetuna Solaris. Geimfar er sent þangað til að rannsaka undarleg fyrirbæri sem hrjá áhöfnina.

Ólíkt hefðbundnum vísindaskáldskap hafnar Tarkovsky hugmyndinni um geiminn sem vettvang landvinninga og spyr í staðinn hvort mannkynið sé yfirhöfuð fært um að skilja hið óþekkta án þess að leita bara að sinni eigin spegilmynd. Myndin á þess vegna ótvírætt erindi í dag í tengslum við ábyrgð mannsins og þeirrar siðferðilegu byrði sem fylgir því að fá óskir sínar uppfylltar.

Gunnar Þorri Pétursson þýðandi rússneskra bókmennta, fyrirlesari og sjálfstætt starfandi fræðimaður kynnir áhorfendum Andrei Tarkovsky og Solaris.

English

A psychologist is sent to a station orbiting a distant planet in order to discover what has caused the crew to go insane.

Solaris is based on Stanisław Lem’s novel of the same name published in 1961.The film was co-written and directed by Andrei Tarkovsky who is honoured this winter by Bíótekið.