Málarinn og sálmurinn hans um litinn eftir Erlend Sveinsson, er ljóðræn og persónuleg kvikmynd um listmálarann Svein Björnsson, föður leikstjórans.

Myndin hefst á opnun viðamikillar sýningar hans á Kjarvalsstöðum haustið 1989. Eftir áratuga vinnu við fantasíukenndan myndheim stendur listamaðurinn á tímamótum, þreyttur á eigin aðferðum og knúinn til að finna nýja leið í list sinni. Frekar en að vera hefðbundin ævisaga fjallar myndin um sköpunarþrána, efann og þær fórnir sem listin getur krafist.

Hún blandar saman heimild og sviðsetningu og leiðir áhorfandann inn í hugarheim málarans, þar sem litir, íslensk náttúra, trú og sköpunarþrá fléttast saman. Málarinn er næm og sjónræn hugleiðing um listsköpun og baráttu listamannsins við að endurnýja sjálfan sig.

Sýnd í Bíótekinu sunnudaginn 6. desember 14:30.