Í tilefni Alþjóðlega Alnæmisdagsins þann 1. desember sýna Alnæmissamtökin og Bíó Paradís tímamótakvikmyndina Philadelphia. 

Myndin er sýnd kl 19:00 og kjölfarið verður boðið upp á spjall eftir sýninguna á Regnboganum, kokteilbar. 

Andrew Beckett (Tom Hanks) er farsæll lögfræðingur sem missir vinnuna eftir að yfirmenn hans komast að því að hann er með alnæmi. Sannfærður um að honum hafi verið sagt upp vegna fordóma ákveður hann að leita réttar síns og fær ólíklegan bandamann sér til aðstoðar. Áhrifamikil saga um fordóma, réttlæti og mannlega reisn.