Bíó Paradís frumsýnir heimildamyndina Á NÝJUM STAÐ (Eisheimat) þar sem öllum afkomendum þýskra kvenna sem komu hingað til lands á eftirstríðsárunum er boðið að koma á frumsýninguna föstudaginn 28. apríl kl 18:00. Það er nægilegt að mæta bara og gefa sig fram við miðasölu.
„Óskað eftir kvenkyns starfsfólki á bóndabæ”, var prentað í norður-þýsk blöð árið 1949. Í kjölfarið fluttust 238 þýskar konur hingað til lands. Myndin segir sögu sex hugrakka kvenna sem líta á níræðisaldri yfir farinn veg og gera upp gamla tíma eða væntumþykju, opnum hug og fyrirgefningu í hjarta.
Heimildamynd sem þú vilt ekki missa af, söguleg og áhugaverð viðtalsmynd sem kemur við sögu þjóðarinnar og heimsins alls við – grátbrosleg, dásamleg og skemmtileg en í senn þrungin sögu kvenna sem aðlöguðust íslensku samfélagi. Frumsýnd 28. apríl 2017 með íslenskum texta. Að frumsýningu lokinni fer myndin í almennar sýningar í Bíó Paradís með íslenskum texta.
Viðmælendur: Anna Aníta Valtýsdóttir, Harriet Jóhannesdóttir, Ursula von Balszun, Anna Karólina Gústafsdóttir Aðalgötu, Ursula Guðmundsson, Ilse og Guðmundur Björnsson Stikla úr myndinni með íslenskum texta. Nánar hér:
Skoða fleiri fréttir
