Fréttir

Alþjóðleg Barnakvikmyndahátíð í Reykjavík í fimmta sinn 5. – 15. apríl 2018 í Bíó Paradís!

14/03/2018

Alþjóðleg Barnakvikmyndahátíð í Reykjavík verður haldin í Bíó Paradís í fimmta sinn 5. apríl – 15. apríl 2018. Hátíðin hefur fest sig í sessi sem árlegur menningarviðburður barna og unglinga og hefur brotið blað í kvikmyndamenningu barna og unglinga. Verndari hátíðarinnar er Vigdís Finnbogadóttir.

Hlutverk barnakvikmyndahátíðarinnar er að bjóða börnum, unglingum og fjölskyldum þeirra aðgang að áhugaverðum og vönduðum barna- og unglingakvikmyndum víðs vegar að úr heiminum sem annars eru ekki teknar til sýninga á Íslandi. Hátíðin eykur fjölbreytni í kvikmyndaflóru fyrir börn, eflir kvikmyndalæsi barna- og unglinga og er tækifæri fyrir alla fjölskylduna að koma á metnaðarfulla viðburði og njóta dagskrár í hæsta gæðaflokki.

Fjölskyldur hafa tækifæri til að njóta áhugaverðra kvikmynda saman utan skólatíma þar sem yngsta kynslóðin fær að kynnast hugtakinu “kvikmyndahátíð”. Markmið Heimilis Kvikmyndanna er að halda Alþjóðlega kvikmyndahátíð barna í Reykjavík árlega og byggja þar upp hefð í menningarlífi barna. Slíkur viðburður mun vekja áhuga barna á kvikmyndum og kvikmyndamenningu, stuðla að tengslum við líf og umhverfi annarra barna víða um heim og færa börnum fjölbreyttari upplifun á hvíta tjaldinu en þau hafa haft aðgang að hingað til. Með nýjum sýningarbúnaði, þar sem hljóð- og myndgæði í bíóinu eru nú það besta sem völ er á eykst aðgengi á nýjum evrópskum barna- og unglingakvikmyndum til muna.

Þema hátíðarinnar í ár er umburðarlyndi.

Heimasíða hátíðarinnar 

Fylgist með á Facebook síðu hátíðarinnar hér: 

Börn í Paradís

Skoða fleiri fréttir

Fréttir

Rússneskir kvikmyndadagar // Russian Film Days 2018

Bergman í Bíó Paradís – Hátíðardagskrá í boði Sænska sendiráðsins!

Tilnefningar til Kvikmyndaverðlauna Norðurlandaráðs 2018