Nýjasta mynd Íslandsvinarins Jim Jarmusch, Paterson, með þeim Adam Driver og Golshifteh Farahani í aðalhlutverkum.
Myndin fjallar um strætóbílstjóra í borginni Paterson, New Yersey – en hann deilir nafni sínu með borginni. Paterson fer eftir ákveðinni rútínu á hverjum degi en styttir sér stundir með því að semja ljóð í litla bók sem hann hefur ávalt meðferðis. Kona hans, Laura, á við annan raunveruleika að etja, þar sem dramatíkin ræður ríkjum. Þau elska og styðja hvort annað.
Í myndinni sjáum við sigra og ósigra hversdagslífsins á ljóðrænan máta. Myndin keppti um aðalverðlaun Cannes kvikmyndahátíðarinnar 2016, þar sem hún vann Palm Dog verðlaunin. Gagnrýnendur eru á einu máli, – myndin er stórstleg og fær hún fullt hús stiga víða. Hún er aðgengileg á VOD rásum Símans og Vodafone.
Skoða fleiri fréttir
