NÝTT! Heimabíó Paradís færir ykkur bíóperlur og alþjóðlegar verðlaunamyndir beint heim í stofu. SMELLIÐ HÉRNA!

Barnakvikmyndahátíð

Stuttmyndir fyrr 7-11 ára

Sýningatímar

Engar sýningar

  • Lengd: 67 mín
  • Aldurshópur: 7-12 ára

Fallegar, fyndnar, skemmtilegar og hugljúfar stuttmyndir fyrir eldri krakkana, 7 til 11 ára!

Skrímslabaninn (íslenska / 5 mín)

Árið er 2038. Jöklar heimsins hafa bráðnað og landið er skorið í eyjar. Undan jöklunum skriðu þjóðsagnarverur og óvættir. Í þessum veðraða heimi býr hin unga og ólíklega hetja Ormhildur. Hún bjargar deginum þegar hún fellir næturtröll og leysir úr læðingi sína eigin galdratöfra.

Tíu fingur upp til guðs (danska með íslenskum texta / 15 mín)

Hanna og bróðir hennar Jens eru bestu vinir en þau ganga í gegnum erfiðan missi þegar stóri bróðir þeirra sem býr í stórborginni leiðist út í eiturlyf og fellur frá. Heimur Hönnu snýst á hvolf, mamma þeirra verður fjarræn og Hanna hefur áhyggjur af því að Jens ætli að feta í fótspor bróður þeirra.

Já fólkið (íslenska / 8 mín)

Íbúum í blokk er fylgt í einn dag. Glíman við hversdagsleikann er misjöfn og ljóst að rútínan litar líf þeirra (og rödd). Þetta er gamansöm mynd um fjötra vanans. Myndin er marg verðlaunuð og hlaut tilnefningu til Óskarsverðlauna 2020.

Uppruni mannfólks / Origin of man (norska með enskum texta / 13 mín)

Ung stúlka lætur hugann reika og veltir fyrir sér upphafi mannkynsins – á annarri plánetu! Sú pláneta var ferkönntuð og sæskrímsli leituðu upp á land, en geimverurnar létu sig dreyma um að flytja til jarðarinnar.

Vanda / Wanda (ekkert tal / 13 mín)

Vanda er orðin þreytt á hrekkjalómum í skólanum og foreldrum sem rífast heima, en hún sleppur inn í heim ímyndunarinnar þar sem hún á góða að. Brátt fara ímynduðu vinirnir að veita henni hjálparhönd í raunheimum þegar þörf er á.

Dalía (íslenska / 16 mín)
Ólafur eyðir helginni hjá pabba sínum í sveitinni og hjálpar til við verkin, en neyðist til þess að læra um dauðann þegar þeir finna illa meidda meri sem flækst hefur í vír. En gott spjall um erfiða hluti hefur góð áhrif á samband feðganna.