Hrafn Gunnlaugsson skapaði sér nafn í íslenskri kvikmyndasögu með þessari mynd,sem varð nær samstundis klassísk.

Hún var framleidd fyrir fé úr nýstofnuðum Kvikmyndasjóði og er ein þriggja mynda sem marka upphaf kvikmyndavorsins árið 1980. Með henni þreytti Hrafn frumraun sína í leikstjórn leikinna kvikmynda í fullri lengd eftir eftirtektarverðan feril í gerð sjónvarpsmynda á áttunda áratugnum.

Söguefnið er íslensk sveitafjölskylda sem neyðist til að horfast í augu við nýjan veruleika þegar húsbóndinn fellur frá og örlög hennar ráðast nú af valdi kaupfélagsins.

Myndin er beitt ádeila á hið svokallaða „kaupfélagsveldi“ sem margir litu á sem meinsemd í íslensku samfélagi á síðari hluta 20. aldar. Hún vakti strax miklar umræður og olli talsverðum deilum í þjóðfélaginu.

Sýnd í Bíótekinu sunnudaginn 14. desember kl 19:15

Boðið verður upp á spurt og svarað eftir sýningu!