Þýskir kvikmyndadagar

Bíó Paradís, Goethe-Institut í Danmörku og Þýska sendiráðið á Íslandi standa fyrir Þýskum kvikmyndadögum í fimmta sinn dagana 12. – 22. mars 2015.

Að þessu sinni verða sýndar sex myndir sem eru þverskurður af því besta sem þýsk kvikmyndalist hefur upp á að bjóða þessi misserin. Opnunarmyndin er hin margverðlaunaða Beloved Sisters sem er byggð á ævi þýska ljóðskáldsins Friedrich Schiller (1759 – 1805) og löngu sambandi hans við tvær systur, Caroline og Charlotte von Lengefeld en hann kvæntist á endanum annarri þeirra, Charlotte. Myndin var tilnefnd til Gullbjörnsins á kvikmyndahátíðinni Berlinale þar sem hún var frumsýnd og var myndin framlag Þýskalands til Óskarsverðlauna sem besta erlenda kvikmyndin. Auk hennar verða á dagskrá í Bíó Paradís þekktar verðlaunamyndir sem fjalla m.a. um flótta frá austri til vesturs (Westen), óvenjulegri ástarsögu húshjálpar þar sem hin unga leikkona Vicky Krieps á stjörnuleik í Das Zimmermädchen Lynn, sögu tveggja ungra drengja þar sem varpað er ljósi á harðan veruleika þeirra á viðkvæman og áhugaverðan hátt í Jack, leit fermingarstúlku að leiðinni til Guðs í Kreuzweg og austurrísk-þýsks vestra í leikstjórn Andreas Prochaska, The Dark Valley sem var framlag Austurríkis til Óskarsverðlauna sem besta erlenda kvikmyndin.

Allar myndirnar eru sýndar með enskum texta.

The fifth German Film Days take place in Bíó Paradís from March 12th to March 22nd 2015. The German Film Days are organized in cooperation with the Goethe-Institut Dänemark and the German Embassy in Reykjavík.

All films will be screened in German with English subtitles.